طال الفراق

امير بلا اماره الأربعاء سبتمبر 30, 2009 9:02 pm

طال الفراق
طـال الفـراق ولا لنـا فيـه حيلـه
من يوم خلي ما نوى شوف الأحبـاب
تعبت من فرقـا عريـض الجديلـه
لا أيست أنا منّه ولا خاطري طـاب
والله مالـي رغبـة فــي بديـلـه
لوفرّعن البيض مع رمـي الأسـلاب
حبـه علـى قلبـي همومـه ثقيلـه
ولا أتضح من صاحبي بعض الأسباب
ريان يا مشكـى لمـن يشتكـي لـه
وش رايكم في منية القلـب لوغـاب
فزعاتكـم ماهـي لنـا مستحيـلـه
من يعتزي بك دايم الدوم مـا خـاب
الحال مـن فرقـاه صـارت عليلـه
هو متعبن الروح وأتعب للأعصـاب
لوهوحصل شوف أريش العين أجيله
أجيه لو دونه حرس عنـد الأبـواب